Fíggjarmálaráðið ætlar at herða bústaðarkravið fyri at fáa fulla arbeiðsmarknaðareftirløn.

Tað stendur í ársfrágreiðingini hjá Samhaldsfasta Arbeiðsmarknaðareftirlønargrunninum.

Í dag fáa pensjónistar, sum búgva í Føroyum, fult útgjald úr AMEG, um teir hava búð her í minst 15 ár frá 15 ára aldri til pensjónsaldur. Ætlanin er at hækka kravið upp í 40 ár.

Lógaruppskotið varð lagt fyri tingið fyrst í 2026, men fall burtur, tá val varð útskrivað. Sambært ársfrágreiðingini hjá AMEG verður uppskotið væntandi lagt fram aftur í komandi tingsetu.

Í desember 2025 fingu 10.150 pensjónistar útgjald úr AMEG. Av teimum fingu 1.082 brotpensjón. Bert 56 teirra búðu í Føroyum.