Sunnaru forstaðirnir í høvuðsstaðnum í Libanon, Beirut, vórðu raktir av einum ófráboðaðum loftálopi frá ísraelska herinum seinnapartin í dag.

Tað siga statsligir libanesikir miðlar, samstundis sum myndir frá sjónvarpsrásini hjá fronsku tíðindastovuni AFP vísa, at roykur stígur upp í loft úr økinum.

Statstíðindastovan NNA sigur, at ísraelsk krígsflogfør "framdu eitt sera kraftmikið álop á Tahoutet al-Ghadir økið." Í sama øki doyðu tvey fólk í einum álop fyrr fríggjadagin, upplýsa myndugleikarnir í Libanon, sambært TV2.