- Vit á útoyggj gjalda veruliga prísin fyri útbyggingina av samferðslukervinum. Tí vit bløða spakuliga út, og tey ráðandi leggja onki í tað.

Tað heldur Óli á Geilini sum er gestur í temapoddinum um útoyggjar. 

Óli býr í Svínoy, og minnist hvussu oyggin var ein heilt onnur, tá hann var smádrongur. Hann heldur, at politikararnir hava púra gloymt útoyggjarnar, og tað kemur ikki minst til sjóndar nú valstríðið er í hæddini, tí onki valevni tekur útoyggjarnar uppá tungu.

Eisini hitta vit Eydnu á Geilini og Sunnvu Asano, sum báðar hava tilknýti til Svínoy.