ARGJA KIRKJA: Hvussu verður? Stendur nýggja kirkjan klár til hátíðardagin um knøpp 2ár? Grót er framvegis eitt ”MÁST”, tá kirkja skal smíðast á Argjum.
VIÐARLUNDARTJØRN: Gott hevði verið, um Tórshavnar kommuna (TK) gjørdi ætlaðu tjørnina í skúlaviðarlundini, nú 200 ára dagurin á Argjum nærkast. (Talan er um økið oman fyri Garðsgøtu / Støðlagøtu).
BØGARÐARNIR: Gott hevði verið, um bøgarðarnir í heimbygdini hjá tiltiknu ”grótmonnunum” vórðu laðaðir upp aftur, nú dagurin nærkast. Kommunala viðarlundin er beint oman fyri bøgarðin, so her er helst talan um kommunala uppgávu, møguliga í samstarvi við privat. Bøgarðastøðan er syndarlig.
VIÐARLUNDIN: Nýggja viðarlundin undir Argjahamri er kærkomin, men har eru nógv trø følnað, serliga granntrø, so vónandi fer TK at endurplanta, nú dagurin nærkast. (Sakni balsamøsp!)
YGDARHJARTAÐ: Vónandi fer TK at fríðka um upprunaøkið á Argjum (kring minnisvarðan og niðri í støðni), nú 200 ára dagurin nærkast!
SJÓSAVNIÐ: Hvussu langt man stórfingna verkætlanin við sjósavninum á Billutrøð á Argjum vera komin um 2 ár? Livst, so spyrst!
Við 198 ára argjakvøðu
Eyðun á Borg
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
