Iran hevur økt nýtsluna av deyðarevsing móti mótmælisfólki eftir stóru mótmælini í vetur, sigur Amnesty International.

Í minsta lagi 26 fólk eru avrættað í fyrra hálvári 2026 í sambandi við mótmælini, men Amnesty óttast, at talið er nógv hægri.

Fleiri eru dømd fyri njósning og samstarv við fíggindalond. Amnesty sigur ákærurnar ofta vera illa undirbygdar og í summum førum grundaðar á frágreiðingar, sum eru fingnar við píning. Minst 60 fólk eru nú í bráðfeingis vanda fyri at verða avrættað.

les meira