Sjóvarfalsdrekin hjá svensku fyritøkuni Minesto sum síðani mai í fjør hevur verið tjóðraður úti í Vestmannasundi, har hann skal framleiða el, varð í gjár tikin upp og nú verður viðlíkahald gjørt.

Minesto boðaði herfyri frá, at drekin hevði verið longur úti enn ætlað, tí ymsir tekniskir trupulleikar vóru. Men í gjár varð hann so tikin upp.

Minesto hevur higartil ikki sagt nakað ítøkiligt um, hvussu royndirnar hava gingið og hvussu nógv elektrisitet drekin hevur framleitt.