Í hesum døgum vitja Jeff Landry, amerikanski sendiharrin í Grønlandi, og fleiri framstandandi nøvn úr Trump-stjórnini á handilsmessuni Future Greenland í Nuuk, har eftirspurdu rávørurnar hjá Grønlandi eru ein partur av dagsskránni.

Nú vísir tað seg, at ein av ríkastu í USA samstundis hevur gjørt íløgur í eina umstrídda oljuverkætlan í Grønlandi.

Talan er um amerikanska multimilliardingin, Kenneth Griffin, sum liggur nummar 35 á listanum hjá Forbes yvir heimsins ríkastu - við eini mettari ogn upp á yvir 325 milliardir krónur - og hevur keypt 9,3 prosent av Greenland Energy Corporation umvegis sín hedgefond Citadel, skrivar Sermitsiaq.