Europa kann fáa trot á jetbrennievni innan nakrar vikur, um Hormuzsundið framvegis verður stongt, siga fleiri aktørar í flogvinnuni.

Stjórin í altjóða orkustovninum, Fatih Birol, lýsir støðuna sum álvarsligastu orkukreppuna, heimurin nakrantíð hevur verið fyri, sambært AP.

Olja, gass og aðrar týðandi vørur sleppa ikki gjøgnum Hormuzsundið.

- Hetta er ein kritisk støða, og avleiðingarnar fyri heimsbúskapin kunnu vera ógvusligar. Jú longri hetta varir, jú størri er ávirkanin á búskaparvøksturin og inflasjónina globalt, sigur Birol sambært TV2.