Droymir tú um eitt øðrvísi summarstarv, har eingin dagur er eins? Nú hevur tú møguleikan!

Vit leita eftir nøkrum røskum og álítandi ungum fólkum (20+), sum vilja verða í miðdeplinum á flogvøllinum í háárstíðini. Her verður tú ein av teimum fyrstu, sum ferðafólk møta – og ert við til at skapa eina góða uppliving.

🎯 Hvat kemur tú at gera?

Tú kemur at arbeiða sum hjálparfólk í trygdareftirlitinum (security), har tú vegleiðir ferðafólki um handviðføri, , ið skal skiljast í bakkar, og einstakar aðrar tænastuuppgávur.

Tú fært sostatt ein týdningarmiklan leiklut í at fáa arbeiðið í trygdareftirlitinum at ganga smidligt ✨

Eisini kanst tú verða sett/ur til aðrar tænastuvendar uppgávur á flogvøllinum.

📅 Tíðarskeið

Hálvan juni til hálvan august

Vit hoyra fegin frá tær, hóast tú ikki kanst arbeiða alt tíðarskeiðið.

💪 Vit vænta, at tú:

• ert fyrikomandi og tænastusinnað/ur

• tekur ábyrgd og arbeiðir sjálvstøðugt

• hevur lætt við at læra og seta teg inn í arbeiðsgongdina

• dugir væl føroyskt og enskt
  (skandinavisk mál eru ein fyrimunur)

🎓 Hetta fært tú frá okkum:

• Upplæring áðrenn byrjan

• Løn sambært fastlønarsáttmála hjá Føroya Arbeiðarafelag

• Eitt livandi og spennandi umhvørvi, har tú fær góðar arbeiðsroyndir

⏰ Arbeiðstíð

• Skiftandi vaktir (dag, kvøld og vikuskifti)

• Arbeiðstíðirnar verða lagdar eftir flogferðsluni

🔐 Vert at vita

• Tú skalt ígjøgnum eitt sonevnt bakgrundskekk (tekur uml. 3–4 vikur)

📩 Umsókn

Freist: 27. apríl 2026 á midnátt
Umsóknirnar verða viðgjørdar so hvørt, so tað er ein fyrimunur at gera skjótt av 😉