Slíkt sum rekur á sjónum kann vera til stóran ampa og beinleiðis skaða hjá skipum og bátum, tí er av týdningi at fáa tað til lands. Seint seinnapartin í gjár sóu fólk ein reka á Gøtuvík, bjargingarbáturin East rescue varð sendur út at fáa sleip á rekan og fáa hann til lands. Hálvan triðja tíma seinni var sleipið av.

Fyrradagin fekk Vørn boð um, at ein trolari sum var staddur eystanfyri hevði brúk fyri hjálp, tí hann hevði fingið maskinbrek. Brimil sleipaði trolaran á Klaksvík.

Og dagin fyri vóru boð eftir Rescue Ziska og Rescue Fløtti, tí ein smábátur í Kalsoyarfirði hevði mist stýringina. Hann varð sleipaður til lands í øllum góðum.