Fiskavirkið í Gøtu hevði eitt sera gott ár í fjør. Úrslitið eftir skatt var heilar 12 milliónir krónur sum skal samanberast við 5 mió kr í vinningi í 2024. Í yvirlitinum hjá Vinnuvitan, sum gongur aftur til 2004, er onki ár sum kemur nær í námind av árinum í fjør.

Í frágreiðingini sigur leiðslan, at orsøkin til góðu gongdina er fyrst og fremst hækkandi prísir á marknaðinum. Um framtíðina sigur hon, at tað er ilt at meta um, men úrslitið í ár verður helst hampuligt, tó nakað lægri enn í fjør.

Fíggjarstøðan javnvigar við 105 mió kr, eginognin er 23 mió kr.

Brandur Jacobsen er stjóri.