Gott ferðasamband er ein fyritreyt fyri, at kunna taka lut í samfelagnum.
Ferðasamband er fyritreyt fyri, at fólk kunnu arbeiða, at vinnulívið kann virka, at fólk kunnu taka lut í frítíðar og mentanarlívi.
Í Nólsoy búgva umleið 220 fólk. Tey eru partur av miðstaðarøkinum, men kortini kenna tey seg til tíðir sum ein útjaðara, tí ferðasambandið er ikki nøktandi. Tað kom fram á borgarafundi í Nólsoy í vikuni.
Tey kunnu ikki taka lut í samfelagnum á jøvnum føti við onnur, tí ferðasambandið er ikki lagað til nútíðina.
Strandferðslan hevur lógarkravda flutningsskyldu. Tí eigur Strandferðslan at fáa fleiri túrar í lag á Nólsoyarleiðini.
Eg vóni at frætta frá Strandferðsluni um, nær fleiri túrar verða á Nólsoyarleiðini.
Elsa Berg
borgarstjóri í Tórshavnar kommunu
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
