Hizbollah sigur, at ein vápnahvíld við Ísrael skal fevna um “ein fullkomiligan steðg í álopum um alt libanesiskt øki” og “einki rørslufrælsi hjá ísraelskum herdeildum”, sambært BBC.

Hizbollah krevur eisini "afturgongd til støðuna áðrenn 2. mars", tá Hizbollah skeyt rakettir og dronur móti Ísrael sum hevnd fyri drápið av ovasta leiðaranum í Iran, og eftir hetta svaraði Ísrael aftur við álopum, sambært TV 2.

Hizbollah sigur, at framhaldandi ísraelska herseting av libanesiskum øki gevur Libanon rætt til at standa ímóti. Tað sama sigur ein leiðandi kelda hjá Hizbollah við Al Jazeera. Ísrael hevur enn ikki svarað fráboðanini hjá Trump um vápnahvíld millum londini.