John Johannesen arbeiðir ikki longur í KvF.

- Kringvarpið og John Johannesen skrivaðu mánadagin undir eina avtalu um, at John fer úr starvi sínum í Kringvarpinum. John er fríttstillaður og kemur tí ikki til arbeiðis aftur, sigur Magnus Dam, kringvarpsstjóri í viðmerking við VP.

John Johannesen hevur kanska verið skarpasti profilurin hjá Kringvarpinum í fleiri ár, millum annað sum vertur í Degi og Viku. Men áhaldandi skriving hevur seinastu tíðina verið um hansara atburð í náttarlívinum í Havn, serliga í Frihedsbrevet. Og síðani hevur hann ikki verið at sæð ella hoyrt í KvF.

- Tú og John Johannesen hava leingi verið vinmenn. Hvussu hevur tað ávirkað hansara starvsfólkamál?

- Vinalagið okkara millum hevur ávirkað málið soleiðis, at eg eri ógegnigur at taka fyrisitingarligar avgerðir í starvsfólkamálinum hjá honum, og tí heitti stýrið fyri Kringvarp Føroya í januar í ár á Maritu Rasmussen um at taka við sum fyribils stjóri fyri Kringvarp Føroya einans við tí uppgávu at viðgera starvsfólkamálið hjá John Johannessen, sigur Magnus Dam í stuttari viðmerking við VP.