Skúlablaðið: Í komandi viku hittast umboð fyri lærarafeløg og skúlaverk um allan heim á fundi í Nuuk. Grønlendska lærarafelagið IMAK er vertur saman við EI, altjóða felagsskapinum fyri lærarafeløg. Formaðurin í Føroya Lærarafelag er eisini við.

Fundurin er stuðulstiltak til frama fyri IMAK og grønlendska fólkinum, nú ágangurin úr USA og frá Trump áhaldandi er so stórur. Tað er EI, sum skipar fyri fundinum saman við grønlendska lærarafelagnum. Stuðulstiltakið er ein stórfundur við drúgvari skrá, sum byrjar mánadagin og endar mikudagin. Umboð fyri IMAK leggja fyri við at greiða frá avbjóðingum og møguleikum í grønlendska skúlaverkinum, og luttakararnir fáa kunning um avbjóðingarnar, sum grønlendska fólkið dagliga er fyri í spentu støðuni, sum er íkomin.

Les meira