Størsta norska bókaforlagið, Cappelen Damm, tekur bók aftur, eftir at norska ríkisútvarpið, NRK, avdúkar, at vitlíki hevur skrivað, hóast ein høvundur stendur á permuni.

Bókin "Lise vs. Gianni" er um dystin millum forsetan í norska fótbóltssambandinum, Lise Klaveness, ið umframt drúgva fortíð sum fótbóltsspælari, eisini er løgfrøðingur, og FIFA-forsetan Gianni Infantino.

Norska forlagið undirstrikar, at hvør einasta útgáva verður nágreiniliga viðgjørd av fleiri fólkum og í fleiri liðum og stigum.

Kortini er tað ikki tikið burtur, at høvundurin spyr vitlíki og fær svar.

Bókin er um fótbólt, sum er størsta søluvøra á bókamarknaðinum, nú HM byrjar í Norðuramerika hósdagin í næstu viku.

NRK, sum er virkið í norskari mentan og ikki fer í summarfrí, hevur ummælt átta nýggjar norskar bøkur úr fótbóltsrúgvuni.

Les meira her