Svenska felagið Minesto, sum ger royndir við sjóvarfalsorku í Vestmannasundi, boðar í morgun frá, at metnógv er komið burtur úr seinastu mánaðirnar.

Dragon 4, sum er tann minni av drekunum, hevur í summar fingið eina nýggja og betraða PTO-skipan, sum ger tað møguligt at gagnnýta orkuna betur gjøgnum alla sjóvarfalsringrásina. Sí myndina niðanfyri.

PTO merkir Power Take-Off, og er tann parturin av orkuverkinum, sum tekur mekanisku orkuna úr rørsluni og ger hana til ravmagn. 

Mátingar vísa eisini, at sjóvarfalsstreymurin í Vestmannasundi er harðari enn áður mett.

Sambært Minesto hevur Dragon 4 framleitt støðugt í fleiri mánaðir, og felagið metir nú verkið vera millum heimsins mest effektivu sjóvarfalsverk, tá talan er um at umskapa sjóvarfalsorku til ravmagn.

les alla børsfráboðanina