Eiðis kommuna: Síðani sitandi bygdaráð í Eiðis kommunu tók við í januar 2025, hava allir valdu bygdaráðslimirnir møtt til allar bygdaráðsfundirnar.

Bygdaráðið hevur havt 15 bygdaráðsfundir hetta tíðarskeiðið, og nógv mál hava verið á skránni.

Tað at allir bygdaráðslimir møta er ógvuliga gott, hetta vísir at tey fólkavaldu leggja tíð og orku í arbeiðið sum bygdaráðslimir, og taka uppgávuna í størsta álvara, sigur borgarstjórin.

Sjálvsagt kunnu ávís, ógvuliga legitim, viðurskiftir gera at onkur ikki fær møtt, men hetta hevur so ikki gjørt seg galdandi í hesi setuni fyribils.

Í Eiðis kommunu búgva 771 borgarar. Kommunan fevnir um Svínáir, Ljósá og Eiði.

Tað sita sjey bygdaráðslimir í Eiðis bygdaráð.