Pólski forsætisráðharrin, Donald Tusk, heldur, at tað ikki skal koma óvart á nakran, at "fólkini hjá Orbán upplýsa Moskva um fundir í ES-ráðnum niður í minstu smálutir."

Tað skrivar hann í einum innleggi á X sum svar uppá eina grein frá The Washington Post, har ein dulnevndur embætismaður ella "trygdarkelda" sigur, at ungarski uttanríkisráðharrin, Péter Szijjártó, í áravís hevur brúkt steðgir á ES-fundum til at ringja til russiska uttanríkisráðharran, Sergei Lavrov, og siga honum alt, sum hevur verið sagt á fundunbum, skrivar TV 2.