Fiskamarknaður Føroya: Ísfiskalínuskipið er norðanfyri og fiskar tosk og hýsu. Landar mánadagin. Eitt frystilínuskip og tveir ísfiskalínubátar eru við Ísland, eitt er á Flemish Kap og tvey eru ávegis til Flemish Kap. Eitt siglur heim av Flemish Kap. Trý eru við Føroyar.

Streymurin er brúkiligur, men harðnar sum vikan gongur. Veðrið sær út til at blíva gott teir flestu dagarnar, so vit vænta nógvan útróður.

Ein djúpvatnstrolari fer á Íslandsryggin og landar helst síðst í vikuni ella fyrst í aðru viku. Tveir fiska svartkalva. Báðir landa í vikuni.

Fimm pør eru til fiskarí og fiska upsa og annan hvítfisk. Tey flestu landa í vikuni. Eitt par fiskar gulllaks.

Tveir trolbátar eru á landleiðini og fiska mest flatfisk og tosk. Ein er norðanfyri. Allir landa í vikuni. Hinir fara helst út í vikuskiftinum.

Trý garnaskip fiska svartkalva. Fiskaríið er brúkiligt. Allir landa í vikuni.