ALS: Hægsti arbeiðsloysisstuðulin hækkaði mánadagin 11. mai 2026.

Orsøkin er nýggja semjan millum Føroya Arbeiðsgevarafelag og arbeiðarafeløgini, sum hevur við sær, at lønin hjá fastløntum arbeiðarum hækkaði 1. mai 2026.

Hægsti arbeiðsloysisstuðul er 80% av lønini hjá fastløntum arbeiðarum sambært galdandi sáttmála.

Við nýggju semjuni hækkar mánaðarlønin hjá fastløntum arbeiðarum úr 28.043,06 kr. upp í 28.765,85 kr.

Harvið hækkar hægsti arbeiðsloysisstuðulin úr 1.064,08 kr. upp í 1.091,51 kr. um dagin, svarandi til í meðal úr 22.434,45 kr. upp í 23.012,75 kr. um mánaðin.

Við hesi broytingini er hægsti arbeiðsloysisstuðul hækkaður við 4.512,75 krónum – sløkum 25% - síðani mars mánaði í fjør.