Atlantic Petroleum útsetur roknskapin fyri 2025 til 30. apríl. Tað boðar felagið frá í børsfráboðan.

Tað er enn sum áður spurningurin um, hvussu stóra skuldin skal herbergast, sum órógvar felagið, og sáar iva um, hvørt felagnum í heila tikið er lív lagað - tað sum á fakmáli eitur Going concern. 

Óvanliga stórur handil, spekulatión vildi onkur sagt, hevur verið í partabrævinum hjá Atlantic Petroleum í eina tíð. Keypti tú í gjár hevur tú í dag fingið eitt tap uppá 18%. Men keypti tú fyri einum mánaða síðani, hevur vøksturin verið yvir 200%. 

Atlantic Petroleum hevur bert eitt aktiv, Orlando oljukeldan, og oljuprísurin hevur eisini nógv at siga fyri, um felagið klárar at gjalda skuldina aftur.