Amerikanski forsetin, Donald Trump, sum fyllir 80 ár í dag, hevur fleiri ferðir boðað frá, at ein friðaravtala við Iran er "á trappuni". Seinast í gjár tá  hann segði, at helst verður ein avtala, og væl at merkja ein fyri USA góð avtala, undirskrivað í vikuskiftinum.

Men hann skal ikki vænta sær nakra slíka gávu frá Iran, í øllum førum heldur hernaðargreinarin Michael Clarke ikki, at tað er sannlíkt, at Iran ætlar tað.

Kanska heldur tvørtur ímóti, so kundi Iran hugsað sær at nýtt høvið til at eyðmýkja Trumpin.

- Hví skuldi Iran skrivað undir í dag? Teir fara at bíða nakrar dagar, tá avtalan er meira eftir teirra høvdi, og so haldi eg ikki, at tað verður nøkur góð avtala. Nú vita Iranar, at teir kunnu hava Hormuzsundið stongt ella opið, júst sum teimum lystir, sigur hann millum annað við Sky News.