Hitabylgjan í Fraklandi hevur elvt til ógvusligan vøkstur í talinum av druknaðum.

Síðani 18. juni eru 40 fólk deyð, upplýsir franska stjórnin í dag.

Seinastu dagarnar hava myndugleikarnir aftur og aftur ávarað um hættisligan hita, heitt á fólk um at halda seg í skugganum mitt um dagin og mint fólk á vandarnar við at svimja uttan eftirlit ella í ókendum sjógvi, skrivar norska TV2.

Síðsta nátt var tann heitasta, sum nakrantíð er skrásett í Fraklandi, síðani mátingarnar byrjaðu í 1947.

Miðal minsti hitin var 21,6 stig. Fyrra metið frá 2019 var 21,4 stig.