Iran boðar frá, at tað fer at krevja gjald fyri maritimar tænastur fyri skip, sum fara gjøgnum Hormuzsundið, men landið noktar, at talan er um bummgjald.

Sambært uttanríkisráðnum í Iran eru gjøldini í tráð við eina rammuavtalu, sum Iran hevur gjørt við USA.

- Vit hava altíð hildið fast um, at vit ikki vilja krevja bummgjøld, men vit fara at seta gjald á fyri siglingartænastur, umhvørvisvernd, skipatrygging og aðrar tænastur, segði talsmaðurin hjá ráðnum, Esmaeil Baqaei, á tíðindafundi í Teheran í dag, skrivar norska TV2.