Nýggjasta avtalan millum USA og Iran vekir ikki gleði allastaðni: í øllum førum ikki í stórum pørtum av politiska landslagnum í Ísrael.

Ísraelski trygdarráðharrin, Itamar Ben-Gvir, skrivar á X, at "avtalan hjá Trump ikki er bindandi" fyri Ísrael og at Ísrael "ikki er undir USA."

- Mín støða er greið: Vit eru ikki partur í hesi avtaluni, sum ikki tekur atlit til okkara trygdarviðurskifti, og vit eru á ongan hátt bundin av henni. Vit kunnu ikki góðtaka nakað minni enn avtøku av Hizbollah, skrivar hann sambært DR.