KJ: Atlantic Fair søluráðstevnan er í Klaksvík um dagarnar, og luttøkan hjá føroysku fyritøkunum sær út til at gera mun. Ídag hava Bakkafrost Farming og KJ undirskrivað sáttmála um veitan av nýggjum aluminium arbeiðsbáti. 

Talan er um arbeiðsbát, sum er 9 metrar langur og tríggjar metrar breiður. Arbeiðsbáturin hevur ein 300hk motor, ein 1,4 tonsmetur Palfinger dekskrana og ein 2 tons kopp. Umframt hetta hevur arbeiðsbáturin eisini eina bógskrúva. Arbeiðsbáturin verður eftir ætlan veittur um árskifti 2026/2027. 

Avatalan um arbeiðsbátin varð undirskrivað á básinum hjá KJ, sum luttekur á Atlantic Fair í Klaksvík. Básurin hjá KJ er skrýddur og bygdur sum ein messa umborð á einum skipi, og hevur hugtikið nógvu gestirnar, sum hava vitjað messuna.