Ungarn fer undir eina tilgongd at koyra forsetan í landinum, Tamas Sulyok, úr embætinum við eini grundlógarbroyting.

Tað boðaði nývaldi forsætisráðharrin í landinum, Peter Magyar, frá mánadagin, skrivar Reuters.

Í røðu fyri tjóðartinginum segði forsætisráðharrin, at stjórnin fer at "seta í verk umfatandi búskaparlig, politisk og rættarlig tiltøk fyri at sleppa Ungarn av við korrupsjón".

Harumframt fer forsætisráðharrin at broyta aldursmarkið hjá landsins ovastu dómarum til 70 ár og seta mark fyri valskeiðnum hjá tinglimum til 12 ár, skrivar TV 2.