Í morgin fer Landsrætturin at viðgera málið um møguligt valsvik í Oyndarfirði.

Málið snýr seg um ein atkvøðuseðil í Oyndarfirði á kommunuvalinum 12. novembur 2024. Valkvøldið var atkvøðuseðilin góðkendur og taldur við sum galdandi. Men tá fínteljing fór fram í Runavík, varð seðilin ógildaður, tí hann hevði tveir krossar, og kom tí ikki at telja við í endaliga úrslitinum.

At atkvøðuseðilin bleiv ógildaður, hevði við sær, at tað stóð á jøvnum millum tvey valevni, og tí mátti lutakast vera. Úrslitið bleiv, at ein annar bleiv valdur, og samansetingin av Runavíkar býráði bleiv øðrvísi, enn um atkvøðuseðilin varð taldur við.

Les meira her