Løgreglan: Fyrr í vikuni sendi Føroya Politi tíðindaskriv út um skuldsetingina av einum fyrrverandi politisti, sum við fleiri handilsstarvsfólk hevði sagt seg vera politistur. Til hesar hendingarnar misnýtti viðkomandi eitt politiskelti. 

Eftir skuldsetingina fór politiið undir at kanna umstøðurnar kring politiskeltið, sum varð nýtt til hendingarnar. Politiið staðfestir nú, at talan er um eitt veruligt politiskelti.

At fyrrverandi politisturin framhaldandi hevði politiskeltið í varðveitslu kemst av innanhýsis menniskjaligum mistaki.

Føroya Politi harmast sjálvsagt íkomnu støðuna og hevur bæði dagført og hert innanhýsis mannagongdirnar hesum viðvíkjandi fyri at tryggja, at slík álvarsom mistøk ikki koma fyri aftur.