Vágaportalurin vil verða við at varpa ljós á sálarheilsuna, sum í mannaminnir hevur verið eitt tabu og er hendan samrøðan partur í røðini “Angist, strongd og tað, sum tí fylgir”.

Alsamt fleiri og fleiri føroyingar verða raktir av strongd, angist, tunglyndi og øðrum, sum ávirkar sálarligu heilsuna og ongantíð áður verður so nógv gjørt fyri at varpa ljós á júst hetta og sjálvt um tað tykist sum at gongd er á, so er langt á mál hesum viðvíkjandi. 

Samfelagið er nógv broytt seinastu árini og sjálvt um vit geva ymiskum fyribrigdum skyldina, so halda vit áfram í sama lag.

Niclas Heri Jákupsson er gestur í fyrsta poddinum av 10, har hann greiðir frá síni uppliving og hvussu tað var at líða av strongd.

Merkir tú nakað til hesi eyðkenni, sum hann tosar um, so er at søkja sær hjálp skjótast.

Ikki bíða við hesum men leita tær serkøna hjálp beinanvegin.

Vit ynskja at takka øllum, sum hava játtað at verða við í hesari poddarøð og vilja vit eisini takka Stellu Zachariassen, sum hevur sett saman spurningar og hevur hjálpt við samskipan av poddunum.