Økokrim missteinkir fyrrverandi forsætisráðharran Thorbjørn Jagland fyri grova korrupsjón eftir at hava hugt gjøgnum Epstein-skjølini.
– Vit meta rímiliga orsøk vera til at kanna, eftirsum hann hevði starvið sum leiðari í Nobelnevndini og aðalskrivari í Evroparáðnum í tíðarskeiðnum, sum tey útgivnu skjølini fevna um, sigur Økokrim-leiðarin Pål K. Lønseth í tíðindaskrivi sambært VG.
Sum fyrrverandi leiðari í einum altjóða felagsskapi hevur Jagland immunitet. Hetta merkir, at Jagland ikki kann ákærast fyri gerðir, sum hann framdi sum liður í starvi sínum sum aðalskrivari í Evroparáðnum.
Økokrim hevur biðið Uttanríkisráðið um at taka stig til at ógilda immunitetin.
Um tú veitst okkurt, sum VP ikki veit - skriva so til vp@vp.fo
