Í heyst spurdi Donald Trump miðlamogulin Rupert Murdoch, hvat hann helt um J.D. Vance og Marco Rubio.
Eini ráð frá amerikanska varaforsetanum, J.D. Vance, fullu eftir øllum at døma ikki í góða jørð hjá Donald Trump forseta.
Tað stendur í bókini ’Regime Change’ hjá tíðindamonnunum í The New York Times, Maggie Haberman og Jonathan Swan, sum kom út týsdagin.
Í bókini lýsa høvundarnir eina røð av hendingum frá seinna forsetaskeiðnum hjá Donald Trump, eitt nú ósemju við J.D. Vance eftir amerikanska álopið á trý iransk kjarnorkuverk á sumri 2025. Hetta skrivar The New York Times.
Eftir álopið helt Donald Trump, sum kunnugt, eina røðu við J.D. Vance við síðuna av sær, har hann kom við tí síðani umstríddu útsøgnina um, at USA hevði "fullkomiliga og totalt oyðilagt" kjarnorkuførleikan hjá Iran.
Um tú veitst okkurt, sum VP ikki veit - skriva so til vp@vp.fo
