Russiski forsetin, Vladimir Putin, er til reiðar at senda olju og gass til evropeisk lond, um tað er uttan politiskt trýst.

Tað segði hann á einum fundi við fólk frá stjórnini og leiðarar frá russiskum olju- og gassframleiðarum, sambært Reuters.

- Um evropeiskar fyritøkur og evropeiskir keyparar knappliga gera av at broyta sjónarmið og bjóða okkum langtíðar og varandi samstarv uttan politiskt trýst, so ja, vit hava ongantíð noktað tí, segði Putin sambært TV 2.