Vestmanna kommuna bjóðar nú eitt øki á umleið 700 fermetrar út til bústaðarbygging.

Á heimasíðuni sigur kommunan, at fleiri ynskja sær ein bústað í Vestmanna, og fólk spyrja seg javnan fyri hjá kommununi, og hóast grundøki eru tøk, so eru fleiri sum ynksja sær fjølbroyttari bústaðarmøguleikar.

- Tí hevur bygdarráðið í Vestmanna samtykt at bjóða eitt stykki út at byggja bústaðir á. Økið er ein samanlegging av Kolastykkinum og økinum á Bakka, har Turkihúsið fyrr stóð. Tey, sum bjóða inn, skulu koma við sínum uppskoti um, hvussu byggingin kann skipast, men kravið er, at tað verða bygdir bústaðir, sum eru á einum prísstøði, sum er møguligur at fáa fígging til í Vestmanna, sigur kommunan á heimasíðuni. 

Nærri kunning um søluna og krøv til bústaðarverkætlanina síggjast her.

Vestmanna Kommuna royndi eisini í 2023 at bjóða sama stykkið út.