Fyrrverandi stápsstjórin hjá Barack Obama, Rahm Emanuel, heldur, at Donald Trump, forseti, hevur fingið eina persiska áminning.

- Meðan forsetin heldur, at hann hevur skrivað eina bók, sum eitur "The Art of The Deal", so fara iranar at geva honum eina áminning - eina persiska áminning í samráðingarlist. Og hann varð júst settur so dyggiliga uppá pláss, heilt ótrúligt.

Demokraturin Rahm Emanuel, fyrrverandi stápsstjóri hjá Barack Obama er alt annað enn hugtikin av vápnahvíldaravtaluni millum USA og Iran.

Hann heldur, at iranska stjórnin var veik, áðrenn USA byrjaði síni álop í februar. Búskapurin var í sori, og spenningar vóru innanhýsis. Kríggið hevur aftur víst, at Iran ikki bara yvirlivdi amerikansk álop, men eisini megnaði at gera ónáðir á heimsbúskapin við at steingja Hormuzsundið.

- Hetta er tann ringasta amerikanska trygdarkreppan, eg nakrantíð havi sæð - og tað er hørð kapping um tað heitið, sigur Emanuel.

Les meira her