Av tí at virksemið á smoltstøðini framhaldandi økist, hava vit tørv á

einum fiskarøktara. Tú verður ein partur av einum stórumtoymi av dugnaligum starvsfólkum við drúgvum royndum við aling.

Arbeiðsuppgávurnar eru m.a.

• Røkta fisk
• Tryggja góða fiskaheilsu og vælferð
• Tryggja góða vatngóðsku
• Ymiskt fyrifallandi arbeiði

Vit krevja onga ávísa útbúgving ella royndir. Tú fært góða upplæring frá okkum.

Vit vænta tó, at tú:

• Ert røkin og álítandi
• Ert arbeiðssom/-samur
• Dugir at arbeiða sjálvstøðugt og taka ábyrgd
• Dámar at loysa uppgávur
• Ert áhuga/ur at arbeiða við djórum

Tú verður partur av framleiðslutoyminum, og vanliga arbeiðstíðin er gerandisdagar frá 8 til 16. Tó verður arbeitt aðrar tíðir viðhvørt.

Hjá Hiddenfjord leggja vit stóran dent á, at starvsfólkini kenna seg trygg og vird.

Vit bjóða:

• Góð og skipaðarbeiðsviðurskifti
• Nútíðarlig amboð og útgerð
• Eitt fjølbroytt arbeiðspláss við nógvum ymiskum starvsbólkum
• Persónliga og fakliga førleikamenning
• Eitt áhugavert og avbjóðandi starv við nógvari nýhugsan

Lønin verður eftir avtalu.

Vilt tú vita meira um starvið, ert tú vælkomin at seta teg í samband við Niels Andreasen, framleiðsluleiðara, +298 220355, niels.andreasen(at)hiddenfjord.com.

Umsóknir skulu sendast til starv(at)hiddenfjord.com í seinasta lagi 22. juni 2026.

Starvið verður sett sum skjótast ella eftir neyvari avtalu.

Um Hiddenfjord
Hiddenfjord er ein føroysk familjufyritøka, sum elur laks í Føroyum. Felagið hevur verið í stórari menning í mong ár og hevur í løtuni umleið 250 starvsfólk. Fyritøkan hevur smoltstøð, aling, góðskingarvirki og søludeild. Á smoltstøðini arbeiða 40 fólk, av teimum eru 15 fiskarøktarar. Hiddenfjord leggur stóran dent á at ala í samljóði við náttúruna, so framtíðarmøguleikar ikki verða darvaðir av nútíðarvirksemi.