Yvirlit frá Arbeiðs- og brunaeftirlitinum vísir, at seinastu 20 árini eru 15 føroyingar deyðir av arbeiðsvanlukku.
Av hesum vóru 14 menn.
Annað kynið stendur sostatt fyri stívliga 93 prosentum av deyðsføllum, elvd av arbeiðsvanlukku.
Í grein 1 stykki 2 í javnstøðulógini stendur, at veitast skal kvinnum og monnum eins møguleikar til útbúgving, arbeiði, yrkisliga og mentanarliga menning.
Í grein 3 stendur harafturat, at mismunur er bannaður í sambandi við arbeiðsumstøður.
Hesar lógarávísingar eru viðkomandi í sambandi við munandi ójavna millum kynini, tá ið tað snýr seg um trygd á arbeiðsplássum.
Hvat gera javnstøðunevnd og onnur fyri at verja menn móti hesum ójavna?
Høgni Mohr
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
