Framsýningar
Í 2020 gav kendi amerikanski journalisturin, Julie K. Brown (f.1961), út bókina "Perversion of Justice: The Jeffrey Epstein Story".
Brown, sum hevur fingið fleiri virðislønir fyri journalistiskt arbeiði, er knýtt at avísini Miami Herald.
Nú skrivar heimsins elsta filmstíðarrit, Variety, og ein hin kendasta bretska avísin, The Guardian, at bókin um Epstein verður sjónvarpsrøð hjá HBO, har Sony er framleiðari.
Oscarvinnarin, Laura Dern (f.1967), fær høvuðsleiklutin sum avdúkandi journalisturin Julie K. Brown.
Enn er ikki kunngjørt, hvør hevur dirvið at átaka sær illalýdda leiklutin sum Epstein í komandi sjónvarpsrøðini.
Um tú veitst okkurt, sum VP ikki veit - skriva so til vp@vp.fo
