Amerikanski forsetin, Donald Trump, tykist vilja minna grønlendingar - og heimin - á, at hann meinar tað í álvara, tá hann sigur, at USA vil hava Grønland.

Herfyri sendi hann serliga sendimann sín, Jeff Landry, til Grønlands at mýkja støðuna, og nú sendir hann sjálvur eina heilsan á miðli sínum, Truth Social, har hann trínur fram handan fjøllini sum liggja kring um eina grønlendska bygd, kanska Tasillaq.

Tað eru bert fáir dagar síðani at serligi sendimaðurin Jeff Landry var í Grønlandi og luttók á eini ráðsevnu. Saman við honum var eisini sendiharrin hjá USA í Danmark, Ken Howery. Teir báðir høvdu sambært Jyllandspostinum fundir við umboð úr grønlendska landsstýrinum.