Klokkan 14 í dag verða tveir mans framstillaðir í rættinum fyri grovan harðskap framdur móti einum manni í gjárkvøldið í Havn.

Tann órættaði ringdi sjálvur til løgregluna um 18- tíðina í gjárkvøldið.

Sambært Hera Andresasen, varapolitiinspektøri, so eru menninir skuldsettir fyri rán, grovan harðskap og eisini fyri tilætlaða eldáseting.

- Tá ið løgreglan kom á staðið, var eldur í húsinum, har sum maðurin búði, sigur Heri Andreasen.

Heri Andreasen sigur við VP, at løgreglan fer at biðja um at málið verður fyri afturlatnum hurðum.

Órættaði maðurin er innlagdur á sjúkrahús.