Enn sum áður má borgarin í Vága kommunu vera meir enn vanliga árvakin, tá umræður, hvat fyriferst í hansara býráði!
Ikki fyrr enn í gjár varð skrá løgd út fyri almennan býráðsfund í kvøld kl. 18.00.
Her sæst, at Vága kommuna nú fer at ummæla egna umsókn um sundurbýti av matr.nr. 25 (fjøran).
Sostatt viðgongur Vága kommuna langt um leingi, at kommunan ikki er eigari av tí lendi, hon nú í fleiri mánaðir uttan byggiloyvi hevur brúkt skattaborgarans pening at gera arbeiði fyri fleiri mió. kr. á.
Áhugavert verður at frætta, hvat býráðslimirnir í Vága kommunu siga til hesi viðurskifti – og hvussu teir atkvøða um málið!
Enn eru nógvir leikir eftir í hesum óunniliga máli, sum liggur á borðinum hjá fleiri landsstýrisfólkum, tá nýggja landsstýrissamgongan tekur við.
Maria Jacobsen
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
