Apuungin Punch varð borin í heim í djóragarðinum í japanska býnum Ichikawa í juli í fjør, men tað gjørdist skjótt greitt, at hann var ikki yndisungin hjá mammuni, tvørtur ímóti. 

Tá so djórapassarin gav honum eina apubamsu at ugga seg við, og legði nakrar myndir á netið, fóru fólk av álvara at flokkast til djóragarðin fyri at heilsa uppá Punch. 

Nú sær út til, at Punch er sloppin inn í hitan aftur hjá hinum apunum í djóragarðinum í Ichikawa.