Fyrrverandi forsætisráðharrin í Íslandi, Davið Oddson, andaðist í gjár, 78 ára gamal.

Davíð Oddsson var ein av mest týðandi – og umstríddu – politisku røddunum í Íslandi í fleiri áratíggju. Hann sat sum forsætisráðharri frá 1991 til 2004 og var eisini uttanríkisráðharri árini frá 2004–2005. Áðrenn tað var hann borgarstjóri í Reykjavík í longri tíð, og var eisini stjóri í íslendska tjóðbankanum, Seðlabankanum, árini frá 2005 til 2009.

Eftir tíðina í fremstu politisku leiðslu landsins hevði hann fleiri týðandi leiklutir í íslendskum samfelagslívi – millum annað sum blaðstjóri á Morgunblaðnum.

Davíð Oddsson var umstríddur vegna síni liberalu sjónarmið um eitt nú privatiseringar, og eftir 2008 varð leikluturin hjá honum í sambandi við fíggjarkreppuna nógv viðgjørdur. Seinni vakti tað eisini kjak, tá hann tók við sum ritstjóri á Morgunblaðnum, tí nógv hildu, at tað kundi ávirka óheftni og trúvirði hjá miðlinum.