- Síðsta hond skal leggjast á samgonguskjalið nú, sigur samráðingarleiðarin Beinir Johannesen, tá ið VP spyr, hvussu gongst við at fáa eitt samgonguskjal liðugt.

Við KVF leygardagin tann 4. apríl, segði samráðingarleiðarin, at flokkarnir vóru komnir væl ávegis, og tað er ikki nógv eftir, áðrenn eitt uppskot til samgonguskjal er liðugt, segði Beinir Johannesen, samráðingarleiðari við KVF.

Men nú vit skriva 6. apríl og samráðingarleiðarin sigur, at síðsta hond skal leggjast á samgonguskjalið nú, so skilir VP tað sum, at síðsta hond verður løgd á samgonguskjalið í dag.

Og VP skilir eisini, at roynt verður at fáa eina ABC-semju, eina góða ABC-semju, sum alt bendir á.

Við KVF seinnapartin í dag sigur Beinir Johannesen at uppskotið til samgonguskjalið verður liðugt í morgin, tá flokkarnir aftur fara undir samráðingar.