Onki er so ringt, at tað er ikki gott fyri okkurt. 

Moderaterne, flokkurin hjá uttanríkisráðharranum, stóð í meiningarkanningunum til nóg illa at røkka upp um tinggáttina, sum er 2%. 

Men eftir fundin, hann hevði í Hvítu Húsunum við amerikanska starvsbróðurin Marco Rubio, og onkran annan av næstu monnum forsetans um Grønland, er Lars Løkke Rasmussen nú millum best umtóktu floksformenn í Danmark. Tað vísir ein nýggj Epinion-kanning sum er gjørd fyri Altinget.

Moderaterne fáa í kanningini 6,4% av atkvøðunum samanborið við 2,2% í seinastu líknandi kanning.