Líkt er til, at prísnirnir á vørum frá MBM í handlunum fara at hækka eftir 1. juni. Tí MBM hevur boðað handlunum frá, at prísnir hagani fara at hækka tá.
- MBM hevur ikki hækkað prísirnir á vørunum síðani 2024. Í hesum tíðarskeiðinum hava vit átikið okkum tær leypandi hækkingarnar, ið vit hava havt á rávørum, pakningi, olju, el, flutningsútreiðslum og lønarhækkingum, hetta fyri at geva tykkum nakrar støðugar prísir, sigur MBM í skrivinum til kundarnar.
Flestu vørur hækka, tó ikki skúlamjólk, smør og okkurt kakao.
Vanligu mjólkirnar hækka við smáum tveimum prosentum frá heilsøluni. Jogurtvørurnar hækka við ímillum 6 og 7 prosentum.
Eftir príshækkingina selur MBM ein litur av vanligari mjólk til smásølurnar fyri 14,42 kr við mvg men uttan avsláttur.
Um tú veitst okkurt, sum VP ikki veit - skriva so til vp@vp.fo
