Sendiharrin hjá Iran í ST, Iravani, sigur, at fleiri enn 100 børn eru dripin í einum álopi á ein skúla í Iran.

– Hundraðtals sivilfólk doyðu og fingu skaða í ísraelsk-amerikansku álopunum á Iran, skal sendiharrin hava sagt, sambært Reuters.

Sendimaðurin upplýsir eisini, at Iran nýtir sín rætt til sjálvverju sum svar uppá vápnaða álopið móti teimum, skrivar VG.

Iravani ákærir eisini USA og Ísrael fyri at hava framt krígsbrotsverk.

Iranski Reyði Hálvmáni segði fyrr leygardagin, at 201 fólk eru dripin og 747 fólk særd í álopunum á landið.

Talið av deyðum og særdum hevur verið fráboðað úr 24 av teimum 31 landspørtunum í landinum.