- Tað kann væl henda seg, at fleiri amerikansk herfólk fara at lata lív. Men vit fara at hevna hvønn og ein teirra, sigur amerikanski forsetin, Donald Trump, í nýggjum boðum á miðli sínum, Truth Social.

Har sigur hann eisini, at kríggið fer at taka í mesta lagi fýra vikur.

- Tað er eitt stórt land, sigur Donald Trump. 

Hann leggur í boðunum afturat, at teir flestu sum stýrdu Iran áðrenn álopið eru deyðir. Men nakrir eru eftir, og onkur av teimum hevur sett seg í samband við Trump og biðið um samráðingar. Donald Trump sigur, at hann hevur játtað at tosa um eina nýggja stjórn í Iran, men hann sigur onki um, nær tær samráðingarnar vera. Tað sum hann hinvegin sigur er, at álopini fara at halda fram, til øll endamál eru rokkin.