Orkumálaráðharrin í Ukraina, Denys Shmyhal, sigur, at eitt orkuverk í eystara býarpartinum av Kyiv hevur fingið stóran skaða í russiskum álopum.

Skaðin hevur fingið myndugleikarnar at gera umleggingar til at fáa hitaveitingina aftur til túsundtals íbúgvar.

Shmyhal, skrivar á Telegram, at Darnytskyi-verkið einans hevur verið brúkt til at veita hita til fólkið, og at verkið hevur fingið stóran skaða.

– Hetta er eitt krígsbrotsverk framt av Russlandi, sigur hann sambært TV2.